Osnovna škola Sveti Križ Začretje

Nič mi nije jasne...

Jenog ljepoga kišovitog dana, baš prikladnog za te ke se počele događati, sedim na kauču i ljistam programe. Pa, mogla bi male viesti pogledati ke mi neju več moji pametovalji da nič ne znam ke se h svijetu događa! I tak... ja prvi put h životu hvužgem RTL Direkt. Neke su govorilji o ljepe konje pa o… Evo ti ga na… Kina je zaprta, došla je neakva bolest i ljudi same po cesta opadaju. Točne sam znala da nisam smiela te viesti nigdar hvužgati. Kad sam pak čula ke se te događa, prve sam pomislila da sam premlada da bi hmrla. Na televizije su si govorilji da je Kina daljeke i da te nebu sim došle. Ja, onda je te došle i h Italiju i te je bile male bljiže, alji još furt daljeke. Onda je polako, točne baš na fašnik, korona došla vu Hrvatsku, ma super, daljeke je Zagreb od Začretja! I tak, saki dan broji su raslji, a na televizije su nas hmirivali dok nas jen dan, same najemput, nijesu se zaprlji. E još furt trebame ostati mirni? Ilji... Ma, nič mi nije jasne!

            I tak je svietom zavladala nekakva plučna gripa. Proglasili su pandemliju. Ili nekakvu pandemiju, ke ja znam. Misljim da se tuj dela o nekakve pande ke je se zarazila kad se zove padnemija. A na kraju je ispale da je šišmiš kriv. Zake se onda ne zove šišemija… Nič mi nije jasne!

 Dučani su bilji ke mravinjaki. Največ se kupoval toalet papjer, a ak se mene pita, kakve te ima logike jer ak nem miela kej jesti, ke će mi papjer… Uglavnom, saki dan je bil isti. Cijelji dan sme delalji za školu tera je bila prek tableta. H večer su mi več oči van opadale. Gdo je pak te videl?! Popoldan sme gledelji kak kakti stručnjaki govoriju da te nije nič i da se ne morame bojati, a z druge strane govoriju kak se nesmeme družiti i biti bljizu jeni drugima, kak morame maske nositi, stalne ruke ribati i biti doma zaprti. Sveopči kaos, ke da su došlji zombiji, a ne neakava plučna gripa. Ja vam imam osječaj ke da se sviet obrnul i da sme završilji h nekakvom paralelnom svemiru gde se nesmeme družiti, gde roditelji dece nič ne daju- deca nesmeju biti na mobitelu, nesmeju nezdrave jesti, nesmeju se svaditi, a deca sejedne dielaju ke i kak hočeju! Gde deca biraju e buju za večeru jelji črljenu ilji zelenu papriku, umesto da im roditelji te odrediju, gde se vučitelji pozoveju na red kad učenik neke napravi. Si govoriju da te ke se nesmeme družiti ,,nove normalne,'' alji te nije nove! Te se događa več jake duge, samo ke se nihči na te nije obaziral  jer same bežime. Izbjegavame ljude jer se nemame vremena s njima spominati. Ljudi več ne poznaju svoje ukučane praf, a kamoli susede. Napadame  se zate ke je nehči male več posunčan, nehči musliman, nehči gej... Roditelji decu odgajaju da nič ne smeju reči nepoznatima svoje osobne podatke, dok s druge strane- nemaju vremena za nje i onda ciele dane provodiju na igricama gde bez razmišljana nepoznatim ljudima dajeju adresu i brojeve telefona… Sad mi več stvarne nič nije jasne!

 Jurime, nemame vremena za nikoga, ni za nič. Same djelame. Mi svi tvrdime da nam je bitna familjija i ljubav, a mi si sme uglavnom čisti materijalisti. Same su nam bitni penezi  i zarada i karijera i te se se okrenule naopak od kad je ta korona počela. Deca umjesto da se vani igraju ilji neke h fiže pomoreju, oni usisavaju, meteju i pokupljaju smeče, alji na nekakve igrice na mobitelu. I onda se roditelji pitaju zake su deca debelji i zake sake druge diete ima naočale. Decu bolji kičma kak starce, a da ne govorim o tom kak su spretni. Pa te se na stoljec nemre popentrati bez da opadne. Si su ljubomorni jeni na druge, odraslji radi penez, a deca radi ocjeni. H današnjem društvu na sakoga pametnejšega gledi se ke na osu h mravinjaku. Pamet se več ne cieni kak negda. Onje gdo je pameten, mam je čudak!A ljubomora i  zavist glavni su osječaj h svietu. Več nihči nije srečen kad je nekom ljepe, nek si same jedne drugem zlo hočeju. Ke se to događa!?

Sad je normalne da roboti vladaju z nami, da je sve električne i h tehnologije. Ak tak nastavime, ja garantiram da nam budeju roboti čuvalji decu i plačalji račune.

I zdej još jen novi problem h svijetu, ke da ih dost nije bile. Ciepljenje je glavna tema. Jen tvrdi da nas čipiraju, drugi da nas se hočeju riešiti , a nehči treči da je te dobre i da bu se se h normalu vrnule. No, takve optimiste je male, premale. I ke bi si sad čovek mislil. Premijer  velji- odite, ciepite se, dobre bude, a precjednik velji da se on ne ciepil... I  ke zdej misljiti, komu veruvati!? I onda se još se trese i ruši okoli nas, a tek vrieme- male je oluja i grmi, a za sekundu je več sunce i sparina da dihati nemreš. I onda bu mi nehči trdil da je se normalne, da je normalne da se ljudi tak ponašaju, da nam se se te događa? Zake nas priroda tak kažnjava? Ke je z ovem svietem? E bude smak svieta? E bude korona prešla? E je kriv šišmiš? E su Kinezi te namrene napravilji? E nas čipiraju? E su deca roditelji?

             Ove ljete  sve te je postale nove normalne...Ke je z ljudima? A ke je najbolje, ta korona još nije gotova, a toljike toga je več zdej koma. Ak te još potraje, valjda bude normalne da ljudi po ruka hodiju ilji da pesi kuhaju i auto voziju. Te nije same plučna bolest. Te je i mentalna bolest…

Ema Mraz